என்று தீரும் இந்த சாதி வெறி??

இணையத்தினூடு ஈழவயலைத் தரிசிக்க வந்திருக்கும் அனைத்துச் சொந்தங்களுக்கும் இனிய வணக்கங்கள்.

நூற்றாண்டுகள் கடந்தாலும்

கழியாத

கலையாத

சாதிவெறி..

"சாதிகள் இல்லையடி பாப்பா"

சாதி வெறி பிடித்தோர்க்கு

கேட்புலன் இல்லையடி

அன்றிலிருந்தே!

மாற்றமென்னும் மருந்து

வேறெங்கும்

இல்லை

மனதில் வேண்டும்!!

மனதுள்ளோர்

மாறியிருப்பார்

மாற்றியிருப்பார் என்றோ!

சிலரைத்தவிர

முக்கால்வாசிப்பேர்

மடையர்களாக..கோர்ட் சூட் அணிந்த

கனவான் போர்வையில்

பலவான்கள்!!

மதிவண்ணன் வரிகளைப் போல்,

"எல்லாமும் சாத்தியம்

தானெனினும்

எதையும் செய்யப்போவதில்லை

நான்..

என்னை கீழாகவும் உன்னை

மேலாகவும் காட்ட..

எனக்கு பூட்டிய இழி முகத்தை

மட்டுமல்லாது

நீயநிந்துகொண்ட உயர்

முகத்தையும்

கிழித்துக்கொண்டிருப்பது தவிர!!"

சாதிகள் ஒழியட்டும்

சாதி வெறி அடங்கட்டும்

மனங்களே மனிதர்களே

நாளை உங்கள் கைகளில்!

மீண்டும் மற்றுமொரு பதிவினூடாகச் சந்திக்கின்றேன்,

அன்புடன்,

மைந்தன் சிவா.